ప్రతిభదే విజయం!
ఎవరి అంచనాలనందుకోవాలని
చిగురించును ప్రతి ఉదయం!
ఎవరి ఆశలను తీర్చాలని
పరిమళించును ప్రతి పుష్పం!
ఏ ఆకాశాలను తాకాలని
ఎగురును ఆ పావురం!
ప్రతీ వ్యక్తి లో వుండునే ఓ ప్రత్యేక గుణం...
నిస్పృహ లో దాని ఉనికి మరచుట క్షమించరాని నేరం.
అందుకే,ఒకరికోసం వదులుకోకు నీ చేతిలోని ఈ అద్భుతం...
నీవు కాదంటే అనాథలా ఆక్రోశించదా నీలొని ఆ నైపుణ్యం.
ఎన్ని జన్మల తపస్సు ఫలితమో,సిద్దించనే నీకీ వరం...
నిన్ను నీవు ప్రేమించనప్పుడు,ఆ ఫలం నిష్ప్రయోజనం.
కనుకే,నీకై నీవు బ్రతుకుతూ,చేసుకో నీ జీవితం ఓ నందనం...
వెదుక్కుంటూ వచ్చి సమర్పించదా నీకప్పుడు,విజయం తన వందనం.
.............ఫణిరాజ్
No comments:
Post a Comment