గురువు లేని బోయ కి...గురి నేర్పింది ఎవ్వరు...
గగనగంగను ఇల దించిన భగీరథుని బలమెవ్వరు..
సుధ సాధన లో సురల పక్షాన ధైర్యమెవ్వరు...
కడ దాకా సాగే కఠోర శ్రమకి సారథెవ్వరు !!!
కలవారందరు నీకు లేని వారౌతున్నా..
కల్లో కూడ రాని వారౌతున్నా...
కల్లోలం చుట్టుముడుతున్నా...
కాంతి రేఖ కనబడకున్నా...
కడలి అడుగున నీ కోరిక సమాధి అవుతున్నా.....
కలతలతో కృంగిపోకు నా నేస్తమా... కలల తీరం చేర్చేది....నీ సంకల్పమే సుమా...!!!
No comments:
Post a Comment